Landsbankinn hlaut verðlaun Stjórnvísi og NASDAQ OMX á Íslandi fyrir Ársskýrslu ársins 2007. Auk Landsbanka hlutu Kaupþing banki og Bakkavör Group viðurkenningu fyrir sínar ársskýrslur. Þátttakendur í valinu voru sjálfkrafa þau hlutafélög sem skráð eru í Kauphöllinni. Afhendingin fór fram í Gerðarsafni  þann 11. september sl. Björgvin G. Sigurðsson, viðskiptaráðherra afhenti verðlaunin og Svafa Grönfeldt, rektor Háskólans í Reykjavík flutti ávarp.

Landsbankinn hlaut verðlaun IR Magazine fyrir bestu fjárfestatengsl hjá íslensku fyrirtæki sem veitt voru í Kaupmannahöfn þann 18. júní sl. Þá hlutu bankastjórar Landsbankans, Sigurjón Þ. Árnason og Halldór J. Kristjánsson einnig verðlaun fyrir framúrskarandi stuðning við fjárfestatengsl bankans. Þrjú önnur íslensk fyrirtæki voru tilnefnd til verðlaunanna: Kaupþing og Bakkavör fyrir bestu fjárfestatengsl hjá íslensku fyrirtæki, og Össur og Bakkavör fyrir stuðning stjórnenda við fjárfestatengsl.